Америкийн Kalashnikov USA компани оросын алдарт АК-47 автоматыг Помпано-Бич хотод өөрсдөө үйлдвэрлэхээр бэлтгэж байна гэж Fox News компани дамжуулахдаа   хотын удирдлагууд энэ мэдээллийг баталж байгаа ч хэдий хэмжээтэй үйлдвэрлэх талаар тодорхой мэдээлсэнгүй гэжээ.
Компани өөрийн сайтдаа “Дэлхийг байлдан дагуулсан домогт зэвсэг дахин төрж америкийн Калашников гарна” гэж бичсэн байна.

Оросын патент, худалдааны маркийг хэрхэн үзэж байгаа, энэ талаар ямар зохицуулалт гэрээ хийсэн талаар ТАСС мэдээлээгүй байна. Уг нь америкийн  RWC буюу Russian Weapons Company, "Оросын зэвсэг" компанил Оросын буудлагын зэвсгүүдийг америкт албан ёсоор импортолдог эрхтэй юм байна.
Харин өнгөрсөн оноос АНУ оросын эсрэг хориг тавьснаас болоод зэвсэг худалдан авч нийлүүлэх нь зогсоод бөайгаа ч энэ эрхээ хадгалж байгаа юм.

Америкчууд эхлээд Филадельфид багахан цех ажиллуулан Калаш автоматыг угсарч байгаад одоо Флоридад бөөнөөр нь үйлдвэрлэх гэж байгаа юм байна.
Анхны загварыг нь ч өнгөрсөн долоо хоногт Лас-Вегаст дэлгэсэн зэвсгийн үзэсгэлэн дээр харуулжээ.

Буудлагын зэвсэг ялангуяа автоматыг АНУ-д чөлөөтэй худалдаалдаг, зэвсгийн энэ бизнесийг хязгаарлах гэж Холбооны засгийн газар удаа дараа оролдож байгаа ч  амжилтад хүрэхгүй байгаа юм.