Норвегийн физикч Андреас Валь телевизийн NRKViten  сувгийн шоу нэвтрүүлэгт оролцохдоо усан дор өөрийгөө автомат буугаар буудаж туршилт хийж үзүүлжээ.
Эрдэмтэн усан санд хоолойгоор татсан усанд зогсоод өөрөөсөө гурван метрийнзайд тусгай сууринд бэхэлсэн SIG SG 550 автомат бууны гохыг тусгай уяагаар татан хэвлий рүүгээ буудсан байна.

Гох дарсны дараа автомат бууны 5,56 мм-ийн сум усан дор ердөө 1,5 метр зайд л ниссэн болохоор Валь огт гэмтэж шархдаагүй байна. Буудлагын ерийн зэвсгүүд нь усан дор хэд хэдэн шалтгаанаар буудаж чадахгүй байдаг гэнэ. Хамгийн гол нь усны нягтрал нь агаарынхаас  илүү их учраас сум хол нисч чаддаггүй гэнэ.

Ердийн бууг усан дор ашиглахаар хийгээгүй болохоор төмөр эд ангиуд зэврэх, буудах үеийн техник ажиллагаа нь гацах гээд бэрхшээл гардаг байна. Үүнтэй нэгэн адил усан доор ашиглах зориулалттай тусгай зэвсгүүд ч хуурай агаарт му уүр дүн үзүүлэх нь бий гэнэ.