АНУ-д  ажил хаяж, эсэргүүцэл илэрхийлсэн  хугацаагаараа  дээд амжилт тогтоосон Америк эмэгтэй  Консепсьон Пиччиотто 80 насандаа энэ сарын 25-ны өдөр өөд болсон байна. Тэрээр цөмийн зэвсэг түгээхийг эсэргүүцэн Цагаан ордны яг эсрэг талд Лафайетын талбайд майхан бариад  эндээ бүтэн 35 жил тасралтгүй сууж “тэмцсэн”  юм.
Харин тэрээр амьдралынхаа сүүлийн өдрүүдийг Кончитад байдаг настангуудын асрамжийн газарт өнгөрүүлжээ.

Түүний хамтрагч, энхтайвны хөдөлгөөний идэвхтэн Уильям Томас 2009 онд ертөнцийн мөнх бусыг үзүүлсэн юм.
Пикетта бүсгүй энхтайвны төлөө 35 жил майханд сууж эсэргүүцэл илэрхийлэхдээ оромжноосоо  бараг холдохгүй ухуулах хуудас тарааж, уриа барин энх тайвныг уриалдаг байжээ.

Түүнийг испанийн Галисид 1945 онд төрж, дараа нь Нью-Йоркт цагаачлан очсон, Испанийн ЭСЯ-д зочин хүлээн авагч хийж, итали хүнтэй гэрлэж охин төрүүлсэн гэдэг. Харин нөхрөөсөө салсны дараа түүнийг хүүхэдтэйгээ уулзах эрхийг нь хязгаарласны дараанаас удаан хугацааны ажил хаялтаа эхлүүлсэн байна.

 Олон нийтэд Кончито гэж нэршсэн тэрээр өөрийнхөө тэмцлийг хамгийн товчоор “Би энд л байх ёстой. Энэ бол миний амьдрал” гэж тодорхойлдог байжээ.