Украины Дээд Радагийн депутат Олег Барнаг өнгөрсөн оны эцсээр  Ерөнхий сайд Арсений Яценюкийг  хууль тогтоох дээд байгууллагын хуралдаан дээр үг хэлж байхад нь индрээс өргөж буулгасны нь төлөө “Петр Порошенкогийн блок” фракциас хөөсөн байна. Энэ талаар парламентын дэд дарга Андрей Паруба мэдэгдсэнийг “Эрх чөлөө радио” дамжууллаа.

2015 оны арванхоёрдугаар сард Засгийн газрын тэргүүн Арсений Яценюкийг үг хэлж байхад дээд Радагийн чуулганы хуралдаан дээр депутатуудын хооронд зодоон болох үеэр  Олег Барна эхлээд ерөнхий сайдад баглаа цэцэг бэлэглээд дараа нь түүнийг  өргөж индрээс зайлуулсан юм.

Олег Барнаг фракциас хөөх шийдвэрийг депутатуудын олонхийн шийдвэрээр гаргасан гэсэн бол Барна өөрөө болохоор фракциас сайн дураараа гарсан гэж мэдэгджээ.