Хятадын үйлдвэрийн Tianhe-1A компьютер нь секундэд нэг квадриллион үйлдэл хийдэг байна. Одоо харин Хятадын Тяньжин хотод байдаг суперкомпьютерийн төв үүнээс 1000 дахин илүү хүчин чадалтай буюу секундэд нэг квинтиллион үйлдэл хийж чадах  компьютер хийхээр төлөвлөж байна гэж Синьхуа агентлаг мэдээллээ.

Өндөр хүчин чадалтай Tianhe-1A компьютерийг Хятадад тоцоолон бодох, нефтийн хайгуул хийх, хүүхэлдэйн кино бүтээх, анагаах ухаан биологийн судалгааны зэрэг олон салбарт өргөн ашиглаж байгаа юм.

Харин Хятадын Ардын чөлөөлөх армид зориулан бүтээсэн Tianhe-2 компьютер нь секундэд 33,9 квадриллион үйлдэл гүйцэтгэдгээрээ дэлхийн хамгийн хүчирхэг 500 суперкомпьютерийн жагсаалтыг тэргүүлдэг.