Орон орны үндэсний хувцасыг цаасаар урладгаараа алдартай Оросын уран бүтээлч, дизайнер Ася Козина ээлжит шинэ коллекцоо манай үндэсний хувцасаар бүрдүүлжээ. Энэ тухай Их Британийн “Daily mail”сонин онцлоод “Хэрэв та ийм хувцас өмсч  хуримлахаар  төлөвлөж байгаа бол бороогүй өдрийг сонгоорой” хэмээсэн байна.

Ася Козинагийн хувьд цаасаар хувцас урлахын зэрэгцээ гоёл чимэглэлийн зүйлс хийдэг нэгэн. Түүний энэ удаагийн загварууд Монгол үндэсний хувцасны нэгээхэн бүрэлдэхүүн хэсэг болох бортгон малгай, эхнэр үс, мөр зэргийг ашигласан, авангард загварын хувцаснууд зонхилж байгаа аж.

Загвар зохион бүтээгч манай үндэсний хувцсыг өөрийн төсөөллөөр хийсэн учир монголчууд хэрхэн хүлээн авах бол хэмээн нууцхан эмээж байсан гэнэ. Гэвч манай загвар зохион бүтээгчил түүний бүтээлийг өндрөөр үнэлсэн хэмээн ярьжээ. Мөн уран бүтээлчийн шин коллекцийг монгол загвар өмсөгч амилуулж, олонд хүргэсэн нь онцлогтой ажээ.