Ерөнхий боловсролын сургуулиудад орос хэл утга зохиол заах үзэл баримтлалыг татарчууд эсэргүүцэж Татарын парламентын Боловсрол, соёл, шинжлэх ухаан, үндэсний асуудал хариуцсан байнгын хорооны хуралодаанаар шүүмжилсэн байна. Энэ үзэл баримтлалыг ОХУ-ын ШУА, А.С.Пушкины нэрэмжит Орос хэлний хүрээлэнгийн тусламжтай боловсруулж, Холбооны хэмжээнд мөрдөхөөр баталсан юм байна.

Энд Орос хэлийг улсын хэмжээнд боловсролын тогтолцоонд заавал үндсэн хичээл болгон заах тухай оруулсан нь хамгийн аймшигтай заалт болж байна хэмээн Татарын парламентын байнгын хороон дарга Разиль Валеев хэлээд энэ бол ОХУ-ын Үндсэн хууль, ОХУ-ын хэлний тухай хуулийг шууд зөрчиж байна. Тэгвэл яах гэж энэ хуулиудад ОХУ-ын иргэн өөрийнхө өтөрөлх хэлээр боловсрол эзэмшиж болно гэж заасан юм бэ гэжээ.

“Ороын Казань” хэвлэлд энэ хэлэлцүүлэгт оролцогсод энэ үзэл баримтлал нь Орос улс дахь үндэсний боловсролыг үгүй хийж ингэснээрээ Татарт олон нийтийн дургүйцлийг өрнүүлнэ гэж бичжээ.
Дэлхийн татаруудын  конгрессын гүйцэтгэх хорооны дарга, Рината Закирова “Энэ үзэл браимтлал яг л 90 он шиг олон мянган хүнийг гудамжинд гарган жагсаахад хүргэнэ. Тэд хэнийг ч дэмжлэггүйгээр жагсч тэгш эрхийг хүсэх болно. Энэ үзэл браимтлалыг боловсруулагчид бүс нутгийн амьдрал мэдэхгүй, сайн судлаагүй байна” гэж хэлсэн байна.

Энэ асуудлаар Татарын парламентын тэргүүнээс Холбооны парламентын тэргүүнд хандаж илгээлт явуулахаар шийдвэрлдэсэн байна.