Улсынх нь агаарын хилийг зөрчсөний төлөө Өмнөд Солонгосын цэргүүд БНАСАУ-ын нисгэгчгүй аппарат руу урьдчилан сэргийлэх зорилгоор гал нээлээ гэж БНСУ-ын Штабын дарга нарын хороо мэдээлсэн байна.
“Эхлээд радиогоор анхааруулга өгсөн, мөн анхааруулж буудсаны дараа нисэх аппарат аажмаар эргэж Умардп Солонгосын агаарын орон зайд орсон” гэж мэдээлэлд дурджээ.
Цэргийнхний мэдээллээр бол нисэх аппарат хилийг хэдэн арван метр давж орж ирсэн учраас пулемётоор 20 орчим удаа буудсан байна. Энэ явдал цэрэггүй бүсийн баруун хэсэгт ажиглалтын Дорасан цэгийн орчим өдрийн 14,10 цагийн орчим болжээ.
Шинжээчид нисгэгчгүй аппаратыг энэ орчим дахь өмнөдийн цэргийн хөдөлгөөнийг тагнах зорилготой байсан гэж үзэж байгаа юм байна.