Хятадын коммунист намын удирдлага Ардын чөлөөлөх армийн бүтцийг шинэчлэн зохион байгуулахыг БНХАУ-ын дарга Си Зиньпин  энэ долоо хоногт тушаал болголоо гэж тус улсын БХЯ-ны сайтад мэдээлжээ.
Ардын чөлөөлөх армийн Жанжин штаб, Улс төрийн удирдах газар, Ар талын удирдах ерөнхий  газар, Зэвсэгт хүчний удирдах газрын оронд 15 шинэ нэгж захиргааны удирдлага байгуулж ХКН-ын Төв хорооны Цэргийн төв зөвлөлийн бүтцэд ажиллуулах юм байна.
Улс орны цэрэг армийн хүчин чадлыг бэхжүүлэх, цэргийн шинэ старатегийг төгс боловсруулан, цэргийн хороодыг бүтцэд тавьсан зорилтыг чадварлагаар биелүүлэх хатуу сахилга, итгэл үнэмшилтэй болгох замаар армийн байлдааны хүчин чадлыг бэхжүүлэх хэрэгт коммунист намын удирдах ролийг хэлбэрэлтгүй нэмэгдүүлэхийн чухлыг БНХАУ-ын дарга онцолжээ.
Дэлхийн хоёрдугаар дайн, Японы түрэмгийлэгчдийн эсрэг дайнд хятадын ард түмний ялсны 70 жилийн ойн парадын үеэр БНХАУ-ын дарга Си Зиньпин  Хятад улс цэргийн тоогоо 300 мняган хүнээр хорогдуулна гэж мэдэгдэж байсан.
Янз бүрийн мэдээллээр 2,3 сая хүнтэй Хятадын Ардын чөлөөлөх арми дэлхийн хамгийн том армид тооцогддог юм.