ОХУ-ын банк Крым, Севастополийг орост нэгтгэсэн явдалд  зориулан 100 рублийн мөнгөн дэвсгэр гаргажээ. 20 саяар хэвлэсэн шаргал өнгөтэй энэ мөнгөн дэвсгэрт дээр “Хараацайн үүр” шилтгээн, Севастопольд живсэн хөлгийн хөшөө, зураач Иван Айвазовскийн “Севастопол дэх оросын байлдааны хөлгүүд” зургийг дүрсэлсэн байна.
“Хараацайн үүр” зургийн дор мөнгөн дэвсгэрт дээр дүрсэлсэн зураг дүрсийн түүхийн тухай мэдээллийг Оросын банкны сайтаас  олж авч болох QR код байрлуулжээ.
Ийм мөнгөн дэвсгэрт гаргах тухай ОХУ-ын банк бүр 2014 оны зун мэдээлж байсан ч сая гүйлгээнд гаргасан нь энэ.