Ливийн дарангуйлагч асан Муаммар Каддафи бүр 2011 онд Их Британийн засгийн газарт “өөрийг нь засгийн эрхээс зайлуулах юм бол алан хядагчид европын орнуудыг чиглэх болно” гэж анхааруулж байсан нь Их Британийн Гадаад хэргийн яамны ил болгосон баримт бичигт үлджээ.
The Guardian сонинд бичсэнээр бол Ерөнхий сайд асан Тони Блэр, Каддафи хоёрын утсаар ярьсан ярианы бичлэгийг буулгасан дотор Каддафиг албан тушаалаасаа сайн дураараа огцор гэж Британийн засгийн газрын тэргүүн хүссэн байна.
Хариуд нь Каддафи би огцорсноор Ливид ердөө сайн зүйл авчрахгүй гээд “Жихадууд Газрын дундад тэнгисийг бүхэлд нь хянана, тэгээд дараа нь Европыг чиглэнэ. Ливичүүд үхэж, Газрын дундад тэнгис, Европ, бүх дэлхийн улс орнууд нэрвэгдэнэ. Энэ зэвсэгт бүлэглэлүүд өөрсдийн үйл ажиллагааг зөвтгөх бүхий л боломжийг ашиглана” гэж хэлсэн байна.
Британийн парламентын гадаад бодлогын байнгын хороо энэ бичлэгийг судалж шалгаад Ливийн удирдагчийн анхааруулгын талаар Засгийн газар ямар нэгэн буруу шийдвэр гаргаагүй гэж үзжээ.
Ливийн удирдагч Муаммар Каддафи барууны орнууд, Их Британийн оролцсон цэргийн ажиллагааны дараа 2011 оны аравдугаар сард алуулсан юм.