Алан хядагч “Лалын улс” зэвсэгт бүлэглэл алсын удирдлагатай “тэсрэх машин”, мөн “газар-агаар” ангиллын пуужинд зориулсан цэнэг хуримтлуулагч аккумлятор бүтээж байна хэмээн телевизийн Sky News суваг мэдээллээ.

Телевиз алан хядагчдын террор үйлдэхдэ ашигладаг зэвсэг үйлдвэрлэдэг нууц лабораторыг харуулсан байна. “Дулаан мэдрэх толгойтой, өөрийн удирдлагатай энэ зэвсгийг иргэний болон, цэргийн онгоцуудыг  сөнөөх зорилгоор ашиглах юм байна”  гэж телевиз мэдээлээд “Ирландын бүгд найрамдах улсын арми"-аас эхлээд алан хядагч бүлэглэлүүд энэ зэвсгийг ашигласаар байсан ч удаан хугацаанд хадгалснаас батарей нь муудаж ашиглах аргагүй болж.
Ийм болохоор “Лалын улс” зэвсэгт бүлэглэлд ажилладаг эрдэмтэд энэ бэрхшээлээс гарахын тулд ажиллаж байгаа нь энэ. Харамсалтай нь энэ нээлт хүн төрөлхтөн, олон улсын аюулгүй байдалд заналхийлж байна.
Тэд бас тэсрэх бөмбөгөө алсын удирдлагатай машинд байрлуулахаар туршиж байгаа гэнэ.  Ийм машины жолоочийн суудал дээр хиймэл хүн суух юм байна.

Энэ дүрс бичлэгийг Сириэс Туркээр дамжин Европ руу явж байсан “Сирйин чөлөөт арми”-ийн нэгэн зааварлагчийг саатуулах үеэр олзолж авсан гэж Sky News мэдээлжээ.