Монгол Улсын Засгийн газраас өнгөрсөн оны 10 дугаар сарын 23-ны өдөр өргөн барьсан “Зарим газар нутгийг улсын тусгай хамгаалалтад авах тухай” УИХ-ын тогтоолын төслийг УИХ-ын Байгаль орчин, хүнс, хөдөө аж ахуйн байнгын хороо өнөөдрөөс хэлэлцэж эхэлнэ.

Энэ тогтоолоор Ноён уулын орчмын газар нутгийг улсын тусгай хамгаалатад авах тухай асуудлыг хөндөж байгаа юм. Ингэхдээ Ноён уулын Сэлэнгэ аймгийн Мандал сумын нутагт орших газар нутгийг Байгалийн нөөц газрын ангиллаар, Төв аймгийн Борнуур сумын нутагт орших газар нутгийг дурсгалт газрын ангилалаар тус тус улсын тусгай хамгаалалт авахаар заажээ.