Испанийн Тарагано хотод энэ сарын 2-7-нд зохион байгуулагдсан “Rec” олон улсын кино наадамд залуу найруулагч Б.Үйсэнмаа “Надруу, ингэж битгий ширт” уран бүтээлээрээ оролцож, “Онцлох бүтээл” шагналын эзэн болжээ.
Уг наадам 15 дахь жилдээ зохион байгуулагдаж, энэ жил 3500 гаруй хүн үзэж, сонирхжээ.
Б.Үйсэнмаа уг бүтээлээрээ Мюнхений кино наадмаас “Шилдэг дэбют кино” шагнал хүртэж байсан удаатай. Тэрээр “Надруу, ингэж битгий ширт” киногоо найруулсан төдийгүй гол дүрийг бүтээжээ. Тэрээр Мюнхений кино, телевизийн дээд сургуулийг төгсч, бүрэн хэмжээний дөрвөн уран бүтээл дээр ажиллаад байгаа юм.