Будда бурхны эртний гоёмсог цутгамал хийцийг тайландын Меконг мөрний ёроолд байсныг  санамсаргүй тохиолдлоор олж гарган авсан байна. Тайланд, Лаос хоёр улсын хилийн ойролцоо явж байсан тайландын хөлгийн нэг усан цэрэг шөнийн цагаар усанд сэлж байхдаа усны гүнд ямар нэгэн зүйл үл ялиг гялтганахыг олж харсан байна.  Ингээд энэ долоо хоногийн эхээр нутгийн иргэд усна дор эрэл хийснээр 1,5 метр өндөр, 80 см өргөнтэй Будда бурхны цутгамал баримал  олж гаргасан байна.  Эртний энэ цутгамал бурхан  эвдэрч хэмхрээгүй, анхны хийц нь хэвээр байсан гэж шинжээчид үзжээ.
Соёл түүхийн үнэт дурсгал энэ бурхныг 100 жилийн өмнө Тайландаас нууцаар Лаос руу гаргах гэж байсан гэж түүхчид, шашныхан нотолж байна.