Америкийн Флорида мужийн Бэрфут-Бей сууринд орон байрны хулгайн хэрэгт сэжиглэгдсэн нэгэн Палм-Бей тосгоны иргэн 22 настай Мэтью Риггинс цагдаагийнхнаас нуугдан сураггүй алга болсон гэнэ. Түүний хаана байгааг гэрийнхэн нь ч мэдэхгүй байжээ. Гэтэл  10 хоногийн дараа нууранд матрын идэш болсон байхыг нь олжээ. Биеийн зарим хэсэг нь олдсоныг цагдаагийнхан матарт бариулсан гэж тогтоосон гэнэ. Үнэхээр ч 3,4 метр урттай матрын ходоодноос ч түүний биеийн зарим хэсэг гарчээ.
Орон нутгийн цагдаагийн хэлснээр бол Риггинс айлын байшингаас хулгай хийхээр явах гэж байгаагаа найз бүсгүйдээ хэлээд төд удалгүй өөрийг нь цагдаагийнхан мөрдөж байгааг дуулгасан гэнэ.
Үнэхээр хулгайн золиос болсон айлын эзэн гэрийнх нь дэргэдүүр сэжигтэй хүмүүс явахыг хараад цагдаад  дуулгасан юм байна. Цагдаагийнхан түүнийг нисдэг тэрэг, эрэлч нохойтой эрж цагдаагийн туслах “Нууранд  нуугдсан байх” гэж хэлсэнч дарга нь “Үгүй байлгүй дээ” гээд тоогоогүй юмсанж.