БНАСАУ-ын удирдагч Ким Чен Уны амь насанд халдахыг завдсан талаар гадаадын хэвлэлүүд мэдээллээ. Удирдагчийг Вонсан хотод барьсан нисэх онгоцны Кальма буудалд очихын нь өмнө хамгаалалтын албаныхан объектыг шалгах явцдаа тэсрэх бодис илрүүлсэн байна. Нисэх буудлын шинэ барилгын дээврийн хөндийгөөс  тус бүр нь 200 грамм жинтэй 100 ширхэг тэсрэх бодис олжээ.
Ким Чен Уны хамгаалалтын алба уг хэргийг БНАСАУ-ын удирдагчийн амь насанд халдах гэсэн оролдлого хэмээн шалгаж эхэлсэн байна.
Кальмагийн нисэх буудал хараахан ашиглалтад ороогүй гэж зарим хэвлэл мэдээлж байгаа ч аравдугаар сараас ажиллаж зорчигчид үйлчлүүлж байгаа дүрс бичлэг нь гарсан гэж зарим нь мэдээлж байна. Юутай ч Ким Чен Уны энд ажиллах хуваарийг өөрчилж тэсрэх бодистой холбоотой хэргийг мөрдөж эхэлжээ.