ОХУ-ын Хант мансийн Автономит тойргийн хэсэг сурагч нэгнийхээ төрсөн өдрийг тэмдэглэхээр “Феникс” тосгон дахь зуслангийн байранд наргиж байгаад гал алдсанаас  түймэрт 13-15 насны найман хүүхэд амь алдсан харамсалтай хэрэг гарчээ.
Аврах албаныхан шатсан байрны нийтдээ 40 хавтгай дөрвөлжин метр талбайтай нуранги дороос бүх хүүхдийн цогцосыг гарган авч, хууль сахиулагчид мөрдөн шалгасны эцэст талийгаач хүүхдүүдийн нэр хаягийг бүрэн тогтоожээ.

Хүүхдүүдийг халуун ус, ууранд орж байх үеэр түймэр гарсан ч тэд шатаж байгаа байшингаас гарч чадаагүй байна. Урьдчилсан байдлаар тэднийг угаартаж нас барсан байж магадгүй хэмээн таамаглаж байгаа юм байна. Түймэр гарахыг зэргэлдээ байшингийнхан мэдэж гал сөнөөгчдийг дууджээ.
Төрсөн өдөр тэмдэглэх баярт нийт 11 хүүхэд оролцож байсны гурав нь ослын үеэр айгаад гэрээдээ буцсан байна. Харамсалтай нь түймрийн тухай мэдэж байсан ч болсон явдлын талаар  хэнд ч хэлэлгүй нуужээ.

“Саша, Саша, Артем гурав гэр гэртээ ирээд сүүлийн мөч болтол хаана байсан, юу болсон талаар юу  ч хэлэхгүй нуусан. Сүүлд нь бүх зүйл болоод өнгөрсний дараа л цагдаагийнханд хэлсэн” гэж нас барсн нэг хүүхдийн ээж хэлжээ.
 Пийшингээс нүүрсний цог унаснаас болж түймэр гарсан байж магадгүй гэж Гал унтраах албаны шинжээч урьдчилсан байдлаар таамаглаж байна.
Хүүхдүүдтэй хамт багш, эцэг эхээс нэгч хүн яваагүй өөрсдөө явсан байжээ.