ОХУ-ын Сангийн сайд АНУ өнгөрсөн долоо хоногт Украйны өрөнд батлан даалт гаргахаасаа албан ёсоор татгалзаж буйгаа мэдэгдсэн гэдгийг олон нийтэд мэдээлэв. ОХУ-ын зүгээс хэрвээ Украйн улс энэ сарын 20 гэхэд гурван тэрбум ам.долларын өрөө төлөхгүй бол олон улсын шүүхэд өгнө гэдгээ илэрхийлсэн юм. Энэ нь Украйны тусгаар тогтнол нь бэлгэдлийн чанартай юу гэдгийг нэг талаар туршиж буй юм. Европын холбооны зүгээс ч Украйны өрөнд батлан даалт гаргах улс олдохгүй бас хүсэхгүй байгаа бололтой. ОХУ-ын Сангийн яамнаас үүнийг “Украйны дампуурлын одоогийн болон ирээдүйн ямар ч тохиолдолд АНУ болон Европын зүгээс үүрэг хариуцлага үүрэх хүсэлгүй байгаа юм” хэмээн тайлбарлаж буй. ОХУ-ын Сангийн дэд сайд Сергей Сторчак энэ сарын 1-нд Украйн гурван тэрбум ам.долларынхаа өрөнд бүтцийн өөрчлөлт хийх ямар ч саналыг ОХУ-д илгээж чадахгүй байна хэмээн мэдэгдэж байсан билээ.