Хятадын ӨМӨЗО-ны Алшаа аймгийн Эзин хошууны нутаг дахь Монголтой хил залгаа шалган нэвтрүүлэх боомт руу энэ сарын 6-нд 100 гаруй хүн дайрч 13 хүнийг бэртээж гэмтээн 11 автомашин шатаасан хэрэг гарчээ.
Хятадын төв телевизинй мэдээлснээр бол орон нутгийн цагаар өглөөний 03,30 цагт бороохойгоор зэвсэглэсэн хүмүүс дайрч орж ирэн ажиглалтын камерыг нь эвдлэн, нулимс асгаруулагч шингэн цацаад ээлжинд гарч байсан 13 ажилтныг нь зодож эхэлсэн байна. Ойролцоо явж байсан хэд хэдэн хүн рүү ч халдаж бэртээсэн гэнэ.
Дээрэмчид шалган нэвтрүүлэх байрыг эвдэлж сүйтгэн мөнгө, гар утас, хувцас эд зүйлсийг нь дээрэмдсэн байна. Дээрмийн ажил хоёр цаг гаруй хугацаагаар үргэлжилжээ.
Хилийн шалган нэвтрүүлэх боомт руу халдсан этгээдүүдийн нэр хаяг, үндэс угсааг тогтоож чадаагүй, шалгаж эхэлсэн байна.