Грекийн парламент олон улсын зээлдүүлэгчдийн шаардлагыг биелүүлэхийн тулд татвараа үлэмж нэмэх болон нийгмийн салбарт зарцуулах зардлаа бууруулан ирэх жилийн төсвөө батлав. 2016 оны төсвийн тухай хуулиа батлахад 153 депутат эерэг санал өгсөн бол 145 нь эсрэг санал өгсөн гэнэ. Шинэ төсвийг батлахын тулд зардлаа 57 тэрбум еврогоор бууруулах шаардлагатай болсон бөгөөд тэтгэврийн зардлыг 1,8 тэрбумаар, батлан хамгаалах зардлыг 0,5 тэрбумаар тус тус бууруулсан гэнэ. Хадгаламжийн хувьд 1,5 тэрбум евро байна гэсэн дүн байгаа бол татварыг нэмэгдүүлж, 2 тэрбумыг төвлөрүүлэхээр тооцжээ. Төсвийн алдагдал ДНБ-ий 2,1 хувьтай тэнцэнэ хэмээн тооцсон байна. Грекийн Ерөнхий сайд Алексис Ципрас “Засгийн газрын хувьд хамгийн хүнд зүйл бол нийгмийн халамжийн чиглэлд зарцуулах төсөв байлаа” гэжээ. Өнөөдрөөс тус улс Евробүсийн санхүүгийн төлөөлөгчдийг урьж тэтгэвэр, татварын системийн шинэчлэлийн асуудлын талаарх хэлцлээ үргэлжлүүлэх юм.