Америкийн Нью-Йорк хотын цагдаагийн ажилтнууд Таймс-сквер гудамжнаас Хүн аалзын хувцастай нэгэн эрийг саатуулан баривчилсан байна. Тэрээр цагдаагийн ажилтнуудын шаардлагыг биелүүлэхгүй өөдөөс нь эсэргүүцэж, үүнийгээ испани хэлээр илэрхийлсэн гэнэ.
32 настай Оскар Родригез гэгч олны газар биеэ зөв авч явж чадахгүй байгааг хууль сахиулагчид сануулж биеийн байцаалтыг нь үзэх гэхэд эсэргүүцэж чанга чангаар тайлбар тавьж, саатуулах гэхэд нь мөн эсэргүүцсэн байна.
Энэ байдлыг харсан хүмүүс “Тэр их түрэмгий байсан. Үзүүлбэрийнх нь төлөө мөнгө төлөхгүй бол тэрээр гар утас булаах гэж зүтгэж байсан. Түүнд мөнгө ч хэрэггүй болотой, тэр бүр ихийг хүсч байгаа бололтой” гэж ярьжээ.
Родригез гэдэг энэ этгээд үүний өмнө нийтийн тээврээр үнэгүй зорчсоныхоо төлөө бас саатуулагдаж байсан гэж хэвлэлүүд бичиж байна