Олон улсын олимпын хорооноос “Лондон-2012” зуны олимпын үеэр элдэв төрлийн тарилга тамирчдад хийхийг хориглох болсон талаараа албан ёсоор мэдэгдлээ. Тодруулбал, долдугаар сарын 16-нд олимпын тосгоныг албан ёсоор нээсэн өдрөөс эхлэн наадмын хаалтын ёслол хүртэлх буюу наймдугаар сарын 27 хүртэлх хугацаанд дасгалжуулагч, албаны хүмүүс, эмнэлэгийн ажилчдыг тамирчдад ямар нэгэн тарилга хийхийг хоригложээ. Гэмтэл бэртэл авч зайлшгүй онцгой тохиолдол гарч тарилга хийхээр болбол урьдчилан мэдэгдэж албан ёсоор тусгай мэдүүлгийн хуудас бөглөх ёстой гэнэ. Харин зөвшөөрөлгүй тарилга хийлгэсэн тохиолдолд тухайн тамирчны тэмцээнд орох эрхийг нь хасахаар болжээ.