Өмнөд Солонгос улсын 1950-1960 оны хооронд болсон дайнаас хойш цэргийн дэглэмийг зогсоосон гэх Өмнөд Солонгосын Ерөнхийлөгч агсан Ким Юнг Сам таалал төгссөн байна. Иргэний нийгмийн удирдагч асан түүний хувьд өнөөгийн Ардчилсан нийгмийн төлөө зүтгэсэн, үндэс суурийг нь тавьсан шилдэг улстөрчдийн нэг байжээ. Тэрээр эмнэлэгт амьсгал хурааж, 88 насандаа таалал төгсчээ.

1993-1998 оны хооронд тэрээр Ерөнхийлөгчийн албыг хашиж байсан туршлагатай төдийгүй эдийн засгийн сэргэлтийн хоёрдугаар үеийг даван туулсан гавьяатай нэгэн байсан талаар “Ёнхап” агентлаг өгүүллээ. Түүнийг 1950-1970 онд гэрийн хорионд байлгасан юм. Тэрээр залуу байхдаа гудамжинд ардчиллын төлөө тэмцэж, цэргийн эрх мэдэл Өмнөд Солонгост цаашдаа байх ёсгүй гэж өлсгөлөн зарлаж 23 хоногийг давж чадаж байсан түүхтэй нэгэн. Улс төрд түүнийг одоог хүртэл хүчтэй гэдгийг журмын нөхөд нь дурсчээ. Ерөнхийлөгч асан Ким Юнг Самыг дэмждэг байсан олон сая хүн гашуудаж, эмгэнэл илэрхийлж байгааг Өмнөд Солонгосын хэвлэлийнхэн мэдээллээ.