Арваннэгдүгээр сарын 20-нд зэвсэглэсэн этгээдүүд Малийн нийслэл Бамакод Radisson Hotel Bamako зочид буудалд дайран орж тэнд байсан 170 хүнийг барьцаалсан хэрэг гарчээ.  
Хамгийн сүүлийн мэдээгээр барьцаалагдсан хүмүүсийн дунд туркийн агаарын тээврийн Turkish Airlines компанийн ажилтнууд, оросын Ульяновскийн агаарын тээврийн “Волга-Днепр” компанийн 12 ажилтан, энэтхэг, хятад, францын иргэд Нигерийн баян Алико Данготе байсан гэнэ.
Зэвсэгт дайчид буудлыг эзэлж авах үеэр 9 хүн амь үрэгдсэний дотор нэг франц хүн байсан байна.

Засгийн газрын цэргүүд, шуурхай ажиллагааны баг зочид буудал руу дайрсны дараа зэвсэгт дайчид барьцааны хүмүүсээс 87 хүнийг сулласан гэсэн мэдээ байна. Гэхдээ тэд хүмүүсээс Коран судраас ишлэл цээжээр хэлж чадсан хүмүүсийг сулласан гэжээ.
Барьцаанд байгаа бсуад хүмүүсийн хувь заяа, үйл явдал цааш хэрхэн өрнөх нь тодорхойгүй байна.