Япон улс хиймэл дагуулын системээр байршил тогтоох GPS  бүхий гутал худалдаалж эхэллээ. Энэ гутлыг үйлдвэрлэсэн Киото хотын “Вишхиллз” компани энэ бүтээгдхүүн нь санах ой муудсан өндөр настнууд, хүүхэд, том хотод төөрчихдөг хүмүүст тустай гэж үзэж байна.
Хийц нь ердөө хялбар хиймэл дагууллаас хянах зориулалттай бяцхан төхөөргийг л гуталд байрлуулсан байх юм. Энэ мэдээллийг гар утас юм уу, компьютерээр хянаж хаана байгааг нь тодорхойлж болох аж. Интернетийн зориулалтын тусгай сайтад бүртгүүлж, нэвтрэх эрх авсны дараа үүнийг тухайн хүний төрөл төрөгсөд төдийгүй танилууд нь, эмнэлгийн ажилтнууд ч ашиглаж байж болно гэнэ.
Хүн ам нь хөгширч байгаа гэгддэг Япон улс өнөөдөр уг нь GPS  бүхий медальон ашигладаг ч настайчууд түүнийгээ гэртээ мартах юм уу, гээж үрэгдүүлээд байдаг байна. Тухайн хүний байршлыг гар утасаар нь тогтоох оролдлого ч бас нэг их үр дүнтэй биш байгаа юм.
Ийм болохоор гуталд нь байрлуулах нь илүү их найвартай гэж бүтээгчид нь үзэж байна.
Японы цагдаагийн байгууллагын мэдээлснээр зөвхөн 2014 онд гэхэд л тус улсад 430 хүн сураггүй алга болсны ихэнх нь настайчууд байгаа юм.