ОХУ-ын Нижегород мужийн Бор хотын иргэн Наталья Князькова 29 насандаа эмээ болж Оросын хамгийн залуу эмээ боллоо. Түүний 15 настай байхдаа төрүүлсэн 14 настай охин нь саяхан хүү төрүүлсэн байна.
Наталья “Волга” телевизэд өгсөн ярилцлагадаа тун удахгүй ачтай болох гэж байгаагаа саяхан дуулаад бүр шокод орсон гэжээ. Тэрээр 14 настай байхдаа гэрлэж нөхөр Александртайгаа 15 жил хамт амьдрахдаа дөрвөн охин төрүүлсний хамгийн бага нь хоёр настай гэнэ. “Түүний зулай дээр гишгиж төсрөн гурван эгч бий. Түүнийг  өсгөхөд тэд нь тусална” гэж бага охиныхоо тухай ярьжээ.

Харин түүний нөхөр Александр ердөө 34 насандаа өвөө болно гэж огт санаагүй гэхдээ дасах байх гэсэн байна.

Шинэ төрсөн хүүгийн аав, эдний “хүргэн”  нь дөнгөж 17 настай, айл гэр болоход бэлтгэж байгаа ч залуу ээжийн эцэг эх охиноо тиймч хурдан сул тавьчих бодолгүй, наанадаж насанд хүрэг, хүүхдээ өсгөх хэрэгтэй, бас сургуульдаа сурах ёстой гэж байна.
Оросын хамгийн залуу эмээгийн ач хүү цоо эрүүл, 51 см өндөртэй, бараг 3,5 кг жинтэй төрсөн байна.