Туркийн Адан мужаас хууль сахиулагчид  алан хядагч “Лалын улс” зэвсэгт бүлэглэлд нэгдэхээр явж байсан гадаадын 38 хүнийг саатуулсан байна. Энд Киргизийн тав, Азербайжаны 14, индонезийн долоо, Иракийн тав, Афганистан, Тажикстаны тус бүр хоёр, Ираны гурван хүн  байсны 10 нь эмэгтэй, 15 нь хүүхэд байжээ. “Саатуулсан хүмүүсээ цагаачлалын асуудал эрхэлсэн албанд шилжүүлж өгсөн. Цаашид нөхцөл байдлыг судалж байна” гэж Туркийн Үндэсний аюулгүй байдлын хороо мэдээлсэн байна.
Зөвхөн Киргиз улсаас л гэхэд “Лалын улс” бүлэглэлд нэгдэхээр Сири дэх байлдааны бүс рүү 450 иргэн нь явсны 80 нь эмэгтэй хүн байна. Энэ хүмүүсээс 45 орчим нь байлдааны явцад амиа алдсан гэж Киргизийн хууль схаиулах байгууллага мэдээлжээ.
Янз бүрийн мэдээгээр “Лалын улс” бүлэглэл эгнээндээ 50-200 мянган дайчидтай болж  Сири, Ирак, Ливи гээд умард африкийн нутагт 90 мянга орчим хавтгай дөрвөлжин км нутагт хяналт тогтоогоод байгаа  гэдэг.