Их Британи улсын эзэн хааны гэр бүл, Ерөнхий сайд, парламентын гишүүд гээд улс төрийн болон эрх баригчид бүгд өнгөрсөн амралтын өдөр Дэлхийн I дайнд амиа алдсан нийт 700 мянган Их Британи улсын дайчдад төрийн дээд хүндэтгэл үзүүлж цэцэг өргөжээ. Тухайн үед нийт 17 сая хүн дэлхий дахинаа амиа алдсан харамсалтай тоо баримт байдаг билээ.

Хамгийн сүүлд 1970 онд Дэлхийн I дайнд амиа алдсан британи цэргүүдийн дурсгалд хүндэтгэл үзүүлж байсан удаатай. Гэвч жилээс жилд төрийн өндөрлөгүүд үүнийг мартсан бололтой, ар гэрийнхэн болон ач, зээ нар нь харамсч явдаг талаарх мэдээлэл сүүлийн саруудад тус улсын цахим ертөнцөөр хэсүүчлэх болсон юм.  
Хүндэтгэлийн арга хэмжээний дараа хийсэн хэвлэлийн бага хурал дээр Их Британи улсын хувьд дахин ийм түүхэн дайнд оролцох ямар ч сэдэл, бодол байхгүй байгааг үе, үеийн эрх баригч, залуу үедээ сануулан хэлжээ.  Аливаа дайн Их Британид ашиг өгч байсан түүх байхгүй гэдгийг II Элизабет хатан хаан хэлснийг нь“BBC”агентлаг уламжилсан аж. Ерөнхий сайд асан Тони Блэйр, одоогийн Ерөнхий сайд Дэвид Камерун нар хүндэтгэлийн арга хэмжээнд оролцож, цэцэг өргөсөн нь өргөн хэмжээний үйл явдал болсныг харуулсан талаар CNN агентлаг мэдээллээ.