Умард Солонгос гадаадад хүнд хөдөлмөр эрхэлдэг хүмүүсийнхээ хөдөлмөрийг мөлжиж хөлждөг гэж НҮБ-ын Хүний эрхийн тусгай илтгэгч Марзуку Дарусман БНАСАУ-ыг буруутгасан байна. Умард Солонгосын 50 гаруй мянган иргэн Хятад, Африк, Европ, Ойрхи Дорнодын орнуудад хөдөлмөр эрхэлж хоногт 20-иос доошгүй цаг ажиллан, сард ердөө хоёрхон өдөр амардаг гэж илтгэлд дурджээ. Тэдний олонхи хангалттай хооллож чаддагүй ч барилга, ойн аж ахуй, уул уурхай, оёдлын үйлдвэрүүдэд ажиллаад ямар ч хөлс авдаггүй, харин Ким Чен Уны засаг захиргаа эдний хөдөлмөрийн хөлсөнд жил бүр 2.1 хүртэл тэрбум доллар авдаг гэсэн байна. Пеньяны засаг захиргаа ийм байдлаар иргэдээ гадаадад хүнд хөдөлмөр эрхлүүлэн хөдөлмөрийг нь мөлжиж хөлсийг нь завшдаг гэж Дарусман тэмдэглэжээ.
БНАСАУ-ын засаг захиргаа энэ талаар ямар нэгэн тайлбар хийгээгүй байна.