Олимп, дэлхийн аварга шалгаруулах тэмцээний дараа ордог нэр хүндтэй Европын аварга шалгаруулах тэмцээн хуваарийн дагуу “В” хэсгийн тоглолтоор үргэлжиллээ. Герман болон Нидерландын шигшээ багийн хооронд эхний тоглолт өрнөж Германы шигшээ багийн давамгайлал дор өрнөлөө. Тоглолтын эхний хагасын 24 дэхь минутад Марио Гомез тэргүүллийн гоол авчирсан бол 38 дахь минутад дахин гоолдож дубль хийсэн. Удаан үргэлжилсэн ширүүн тэмцлийн эцэст тоглолтын 73 дахь минутад Нидерландын Робин ван Перси Германы хаалганд гоолдож нэр төрийн нэг оноог багтаа авчран тоглолтыг өндөрлүүллээ. Дараагийн учраа Португали Данийн багийн хооронд болж Португалийн шигшээ 3:2 харьцаатай тэргүүлж “В” хэсгээс шалгарлаа. Энэ нь Германы шигшээ сүүлийн тоглолтод Данийн багтай тэнцэж  оноо хуваасан тохиолдолд хэрэгжих юм.