Улсын Хүүхэлдэйн театрын "Намар цагийн тоглолт" энэ сарын 28-наас эхлэх гэж байна. Ирэх долоо хоногоос сурагчдын амралт эхэлж буйтай холбогдуулан бяцхан үзэгчдээ долоо хоног болгон театрт зочлохыг урьж олон сонирхолтой, адал явдалтай тоглолт хүргэхээр зэхжээ. Мөн тус театрын хамт олон хоёр дахь жилдээ жүжгийн багцыг идэвхжүүлж буй юм. 
Хүүхдийн жүжиг, хүүхэлдэйн жүжиг гэсэн тус бүр гурав, гурван жүжгээс бүрдсэн хоёр багц гаргасан байна. Долоо хоног бүрийн амралтын өдрөөр үзэх боломжтой жүжгүүд нь “Долоон дэлбээт цэцэг”, “Болдоггүй бор өвгөн”, “Тэнэг бяцхан хулгана”-ыг нэг багц болгон тоглохоор болсон байна. Мөн “Одноос төрсөн ханхүү”, “Лусын хааны охид”, “Арван хоёр сар” хүүхдийн жүжгийг багц болгон тоглох юм байна. Хүүхэд багачуудад хамгийн том оюуны хөрөнгө оруулалт хийж буй жүжгүүдээ таван мянган төгрөгөөр тоглох нь.
