Катарын нийслэл Доха хотноо энэ сарын 26-31-нд зохиогдох пара хөнгөн атлетикийн Дэлхийн аварга шалгаруулах тэмцээнд Г.Цоггэрэл, Ц.Баттулга нар эх орноо төлөөлөхөөр мордлоо. Ц.Баттулга энэ жилийн дэлхийн аваргад F-41 ангилалд шидэлтийн төрлөөр оролцох үзэх бол “Рио-2016” олимпын наадмын эрх аваад буй Г.Цоггэрэл F-57 ангилалд хүч үзнэ.

Тамирчдыг дасгалжуулахаар Ц.Нэргүйбаатар ажиллах бол баг тамирчдыг Ц.Одонбаяр ахалж байна. Энэ жилийн дэлхийн аварга “РИО-2016” паралимпийн наадмын эрх олгохоос гадна 2015 оны чансааг шинэчлэн тогтоох аж. Манай баг тамирчид пара хөнгөн атлетикийн дэлхийн аварга шалгаруулах тэмцээнд хоёр дахь удаагаа оролцож байгаа ажээ.