Израилийн Ерөнхий сайд Бенжамин Нетаняху ХБНГУ-д хийх айлчлалаа цуцалсан талаар эх сурвалжууд мэдээллээ. Учир нь, өнгөрсөн лхагва гарагийн оройноос өчигдөр хүртэл үргэлжилсэн үймээн самуун газар авч, Палестины цэргийнхэн цагдаагийнхантай хамтран үймээн дэгдээгчдийг тараахыг оролдсон боловч тусгай хүчнийхэн ч тарааж дийлэхгүй байгаа юм байна. Еврейчүүдийн хоёр ч сүм хийдийг нураасан үйл явдлаас үүдэлтэй энэхүү эсэргүүцлийн жагсаал, үймээн самуунаас болж эрх баригчид зэвсэг хангинуулах хүсэлгүй байгаагаа илэрхийлсэн. Тэд асуудлыг цэрэг цагдаа биш тайван замаар шийдэхийг хүсч байгаагаа илэрхийлэв.

Йерусалемд болсон хутгатай этгээдийн дайралтаас болж хоёр дахь эмэгтэй амиа алдсан үйл явдал нь асуудлыг улам хүндрүүлсэн бөгөөд хэдэн 10 хүн мөргөлдөөний үеэр бэртэж гэмтсэн үйл явдал өрнөж байна. Хэрэв нөхцөл байдал энэ хэвээр үргэлжлэх юм бол хяналтыг цэргийнхэн авахаас өөр аргагүй гэдгийг албаныхан өгүүлэв. Гэхдээ олон улсын ажиглагчид үүнийг анхааралдаа авсан хэвээр байгаа гэдгийг давхар сануулжээ. Өнгөрсөн жилийн үймээн самуунаас эхлэлтэй зургаан сарын дайныг дахин эхлүүлэхгүй байхыг ажиглагчид ч талуудад сануулсаар байгаа юм.