2014 оны өвлийн олимпыг өлгийдөн авах Сочи хотын дэд бүтцийн төлөвлөгөөний нэг хэсэг нь тээврийн асуудал байсан билээ. Тэд 2014 оноос ажиллаж эхлэх шинэ цахилгаан галт тэргээ өчигдөр танилцуулжээ. Ласточка хэмээн нэрийдсэн энэхүү цахилгаан галт тэргийг Германы Сиеминс үйлдвэрт захиалж буй бөгөөд 160 км/цаг хүртэлх хурдалдаг ажээ. Урдчилсан судалгаагаар олимпийн наадмын үеэр Москвагаас Сочи хүртэл өдөрт дунджаар 64000 хүн галт тэргээр зорчих гэнэ.