Ирэх долоо хоногт Нью-Йорк хотод болох НҮБ-ын ээлжит чуулга уулзалтын үеэр ОХУ-ын Ерөн­хийлөгч В.Путин болон АНУ-ын тэргүүн Барак Обама нар уулзах та­лаар эх сур­вал­жууд мэдээл­лээ. Уулзалтыг Путин зохион байгуулах саналтай байсан гэдгийг “Ройтерс” агентлаг дамжуулж байгаа юм. Украин болон Сирийн талаар талууд санал бодлоо хуваалцах юм байна.

Сирийн иргэний дайнд оролцох оролцооны талаар санал байгаа гэдгийг ч ажиглагчид онцолсон. Хамгийн сүүлд хоёр улсын төрийн тэргүүн Австралид болсон “Их-20”-ийн уулзалтаар нүүр тулж байсан. Тухайн үед мөн л дээрх сэдвийн дор хэлэлцэж байсан билээ. Гэхдээ энэ удаад Сирийн газар нутагт ОХУ цэргийн ажиллагаа явуулах асуудал яригдах аж.