“Таван цагаригийн бат холбоо” уриан дор зохиож буй олимпын бамбар эх орон даяар аялж буй билээ. Олимпын үзэл санааг улс орон даяар түгээн дэлгэрүүлэх зорилготой энэхүү бамбарын аялал өнгөрсөн сарын турш Говьсүмбэр аймгийн сум, албан байгууллага, сургуулиудаар дамжсаны эцэст Хэнтий аймагт шилжлээ.

Бамбар шилжүүлэх ёслолын ажиллагаанд ОУОХ-ны хүндэт гишүүн Ш.Магван, Монгол Улсын хөдөлмөрийн баатар, Ардын багш, гавьяат дасгалжуулагч Ч.Насантогтох, МҮОХ-ны олимп судлалын төвийн захирал Ж.Баасанхүү нар оролцжээ.