Э.ГАН

Манай улсад жилдээ 30-40 кино нээлтээ хийдэг. Өдрөөс өдөрт өргөжин тэлж буй энэ зах зээлд өрсөлдөгч олон болсон нь кино уран бүтээлүүд чанаржих, цаашлаад тогтсон шалгуур, босготой болох үндэс тавигдаж буй сайн талтай. Энэ сард хэд хэдэн кино нээлтээ хийж үзэгчдийн хүртээл болсноос “Твинс филм”-ын бүтээл “Такси” уран сайхны кино ашиг орлогоороо тэргүүлээд байна. Тодруулбал энэ сарын 4-нд дэлгэцнээ гарч эхэлсэн уг уран бүтээл өнгөрсөн долоо хоногт кино театруудаар 211 удаа гарсан бол “Хожлын нүүдэл” 192, “Бид гурвын болзоо” 191 удаа гарсан үзүүлэлтээр“Такси”-ны ард жагсчээ. Ингээд ашиг орлогын жагсаалтыг хүргэе.