Фүжишима дэвжээний маэгашира Шёонтэнро Д.Нямсүрэн Кёкүтэнхо Н.Цэвэгнямтай худ ураг барилдаж түүний төрсөн дүү Н.Хишигсүрэнтэй Токио хотод хуримаа хийжээ. Залуу хос өнгөрсөн долдугаар сард гэрлэлтээ батлуулсан ч хуримын ёслолоо хийгээгүй байжээ. Кёкүтэнхо “Тавдугаар сарын башёд түрүүлээд баярлаж дуусаагүй байхад дүү маань хуримлаж бас дахин баяр хөөр нэмлээ” хэмээн ярьжээ.Хуримын ёслолд Ёкозүна Хакүхо тэргүүтэй 30 гаруй сүмоч болон Монголоос ирсэн зочид нийлээд 350 хүн оролцжээ. Асашёорюү Д.Дагвадорж, Хакүхо М.Даваажаргал, Озэки Д.Харүмафүжи нар хуримын ёслолоо Япон, Монгол дамнуулан хийж байсан удаатай. Энэ уламжлалаар  Шёонтэнро Д.Нямсүрэн ч ирэх жил Монголд хуримын ёслолоо хийхээр төлөвлөжээ.