Монголын рок поп урлагт уянгалаг дуунуудаараа хүч түрэн гарч ирсэн хамтлагуудын нэг бол "Freezone" хамтлаг юм. Тэдний дуу хуураар хөглөгдөөгүй хосууд цөөхөн болов уу. Тэгвэл тус хамтлагийн ахлагч Э.Энхтөр өөрийн бие даасан тоглолтыг энэ сарын 25-ны үдэш "Vegas night club"-д 20:00 цагаас хийхээр болжээ.

   Тоглолтонд монголын рок, поп урлагийн үе үеийн шилдгүүд оролцох бөгөөд "Титэм" хамтлагийн дуучин Л.Тайванбат, СТА дуучин С.Сэрчмаа, СТА дуучин Б.Баярцэцэг, Дуучин Ч.Ундрал, Амьд хөгжмийн "Fixx" хамтлаг, "Мөрөөдлийн бүжиг" хамтлагууд оролцох нь ээ. Энэ дашрамд дуулгахад тоглолтын тасалбар маргаашнаас эхлэн "Vegas night club"-ын кассаар худалдаалагдах юм байна.

   Ийнхүү "Freezone" хамтлагийн хайрын сайхан дуунуудаар хөглөгдөж ирсэн та бүхэн нэгэн үдшийг дурсамжаараа аялаж өнгөрүүлэхийг хүсвэл Э.Энхтөрийн тоглолтыг зориорой.