Өнгөрөгч Нагоя башёгийн дараа зодог тайлсан Кёкүтэнхо Н.Цэвэгням дасгалжуулагчийн албанд хүчин зүтгэхээр болсон тухайгаа мэдэгдсэн. Тэрээр макүүчи буюу мэргэжлийн сүмогийн дээд зиндаад 99 башёд барилдсан билээ. Зодог тайлаад удаагүй тэрээр Таманои дэвжээнээ Ошима нэртэйгээр туслах дасгалжуулагчаар ажиллахаар болсон ч ирэх жилээс Таманои дэвжээнээс өрх тусгаарлаж өөрийн гэсэн дэвжээтэй болж магадгүй хэмээн мэдэгдсэн байна.