Польшийн ерөнхийлөгч асан Лех Валенса африк, орйхи дорнодын орнуудаас дүрвэн ирж байгаа цагаачдад туслахыг уриалаад өөрөө тэдний заримыг өөрийн гэртээ хүлээн авахад бэлэн байна гэж мэдэгдсэнийг польшийн TVN24 телевиз дамжууллаа.

“Энэ хүмүүс дүрвэхээс өөр аргагүйд хүрсэн бол бид тэдэнд туслах ёстой” гэж Валенса телевизэд өгсөн ярилцлагадаа  мэдэгдсэн байна.
Түүнийхээр бол Евопын орнууд дүрвэгсдийг хүлээн авах, улс орнуудад хуваарилах талаар хамтран ажиллах ёстой гэнэ.

“Бид тэдэнтэй хамгийн сүүлчийн зүсэм талхаа ч хуваах ёстой. Тэд үнэхээр эмгэнэлтэй байдал ороод байна. Би л хувьдаа тэдний заримыг гэртээ хүлээж авах талаар эхнэртэйгээ зөвлөлдөнө” гэж Валенса хэлжээ.
Үүний өмнө Ромын пап Франциск европын орнуудын католик шашинтнуудыг  өөрийн гэртээ дүрвэгсдийн нэг гэр бүлийг хүлээн авьахыг уриалсан юм.
Польшийн ерөнхий сайд Ева Копач бас эдийн засгийн дүрвэгсэд  нь Польшид хүндрэл учруулж мэдэх ч, угтаа дайны хөлөөс зугтааж яваа хүмүүст туслах, тэднийг хүлээн авах нь өөрийн орны ёс суртхууны үүрэг гэсэн юм.