Академийн шагнал гардуулах ёслолын гадаад хэл дээрх киноны төрөлд Хятадууд “Чонон сүлд” киног нэр дэвшүүлэхээр болсон.  Хятад, Францын уран бүтээлчдийн хамтын бүтээл уг кино нь Мандарин, Монгол хэл дээр бүтээгдсэн бөгөөд өнгөрсөн хоёрдугаар сард нээлтээ хийж, шуугиан тарьсан уран бүтээл болсон юм.
Улмаар “Чонон сүлд” энэ оны  Хятадын хамгийн өндөр орлоготой арван киноны нэгээр шалгараад байгаа.

Тэгвэл “Чонон сүлд” уран сайхны киног америкийн зах зээлд энэ сарын 11-нээс гаргахаар төлөвлөөд байгаа аж. Уран бүтээлчид “Колумбиа Пикчерс”-тэй хамтран 125 кинотеатрын дэлгэцээр гаргах гэнэ.