АНУ-ын Баруун Виржини мужийн Филиппи хотын нэгэн дунд сургуулийн сурагч 14 настай хүү гар буугаар зэвсэглэн ангийнхаа хүүхдүүд, багшийгаа барьцаалсан хэрэг гарсан байна. Хоёрдугаар давхарт байдаг ангидаа тэр бэхлэлт байгуулж хоригложээ. Цагдаагийнхан сургуулийг бүслэн бусад ангид байсан багш сурагчдыг аюулгүй газарт гаргаж, “гэмт хэрэгтэн” сурагчтай хэлэлцээр хийсний дүнд тэрээр бууж өгсөн байна.
Жаал хүү яагаад ийм хэрэг үйлдсэн, ямар шаардлага тавьсан, хэдэн хүнийг барьцаалсан талаар мэдээлээгүй байна. Барьцаанд байсан багш сурагчдыг эмнэлэгт хүргэн сэтгэлзүйн үйлчилгээ үзүүлжээ. Энэ үеэр хэн нэгэн бэртэж гэмтээгүй, хуулийн байгууллага хэргийг шалгаж байна.