Хятадын Шандунь мужид химийн Runxing Chemical заводод энэ сарын 22-ны өдөр бас дахин нэг дэлбэрэлт боллоо. Дэлбэрэлтийн хүч нь нэг км-ийн зайд байсан барилгуудын цонхыг хагалж, чичирхийлэл  нь таван км-ийн зайд мэдэгдсэн байна.  
Эрх баригчид ойр орчмын иргэдийг нүүлгэн шилжүүлж, дахин дэлбэрэлт болохоос сэргийлж байна. Цагдаагийнхны мэдэгдсэнээр амь үрэгдсэн хүн байхгүй ч есөн хүн гэмтэж бэртсэнийг эмнэлэгт хүргэжээ. Энэ завод  адипохитрил зэрэг химийн хорт бодис үйлдвэрлэдэг юм байна.

Энэ сарын 12-ны өдөр Тяньжиний Rui Hai International Logistics компанийн химийн агуулахад хэд хэдэн удаа дэлбэрэлт болж 121 хүн нас барж, 54 хүнийг сураггүй болсонд тооцоод байгаа юм. Энд нгурав хоногийн дараа бас дахин дэлбэрэлт болсон юм.