Удирдагч Ким Чен Унд зориулж Умард Солонгос даяар  хувийн нислэгийн зурвас байгуулж дуусчээ гэж Вашингтоны Жон Хопкинсийн их сургуулийн шинжээч Куртис Мелвин мэдээлсэн байна. “Ким Чен Ун нисэх дуртай, ийм ч болохоор  өөрийн ордны дэргэд хувийн жижиг онгоц буухад зориулсан тусгай нислэгийн зурвас бариулсан”  гэж хиймэл дагуулаас авсан зурагт дүн шинжилгээ хийсний үндсэн дээр тэр мэдээлжээ.
Энэ ажил 2014 онд эхэлж ердөө нэг сарын өмнө дууссан байна. “Нислэгийн энэ зурвас Кимийн гэрийн ойролцоо, аюулгүй байдлын үүднээс эцэгт нь зориулсан төмөр замын өртөөний дэргэд байдаг” гэж шинжээч хэлжээ.
Умард Солонгосын өнөөгийн удирдагчийн эцэг Ким Чен Ир нисэхээс айж улс орондоо ч, Орос, Хятадад айлчлахдаа ч байнга хуягласан галт тэргээр явдаг байсан юм.