Японы эсрэг дайнд хятадын ард түмний байгуулсан ялалтын 70 жилийн ой, Бээжинд болох цэргийн парадын үеэр нийслэл хот орчмын агаарыг бохирдолгүй, утаагүй байлгах зорилгоор Хэбэй мужид 3785 үйлдвэр аж ахуйн газрын ажиллагааг зогсоосон байна.
Энэ ойн баярт Бээжин гадаадын 50 орчим орны удирдагчийг урьсан болохоор хятадын эрх баригчид нийслэлийн агаарын бохрдлыг бууруулахын тулд утаа хаягдал их гаргадаг үйлдвэрүүдийг ийн хааж байгаа юм байна.
Ойн баяр есдүгээр сарын 3-нд тохиож цэргийн парад нь Тяньаньмэнийн талбайд болоход  уригдсан орнуудын цэргийн салбар ангиуд ч жагсах юм.

Даваа гарагт БНХАУ-ын Байгаль орчныг хамгаалахын сайд Чэнь Зинин цэвэр агаар бол парад амжилттай болохын нэг үндсэн хэсэг төдийгүй нийслэлийн имижийн салшгүй хэсэг гэж мэдэгдсэн байна. Ингээд 15 ажлын хэсэг томилон агаар бохирдуулж байгаа үйлдвэрүүдийг шалгаж ийн хааж байгаа юм. Ийм байдлаар нийслэл Бээжингийн агаарын бохирдлын 40, бусахд бүс нутгийн агаарын 30 хувийг цэвэр болгоно гэж найдаж байгаа юм байна.
Арилжааны бус Berkeley Earthбайгууллагын судалгаагаар агаарын обхирдлоос болж хятадад жилд 1,6 сая хүн, өдөрт 4000 хүн нас барж байгаа нь нийт нас барагсдын 17 хувийг эзэлдэг байна.