Хятадын хойд нутгийн боомт хот болох Тяньжиньд агуулахад дэлбэрэлт болсны улмаас амиа алдсан хүний тоо 104 болж нэмэгджээ. Энэ тухай Синьхуа агентлаг тус хотын эрх баригчдын мэдээллийг иш татан уламжилсан байна.

Агаарт хорт бодис их хэмжээгээр байгаа болон асар их зүйл сүйдсэн нь хэргийн газар ажиллаж байгаа Хятадын цэргийн аврагчдын ажлыг хүндрүүлж байна гэж тус улсын төв телевиз мэдээлжээ.

Химийн бодисын хурц үнэр мэдрэгдэж байгаа бөгөөд хамгаалалтгүй удаан байсны дараа нүд хүчтэй хорсож эхэлж байна гэж тус телевизийн сурвалжлагч хэлсэн байна.

Үүний сацуу "Наньфан души бао" сонинд мэдээлснээр, дэлбэрэлтийн голомтоос зүүн тийш натрийн цианидад бохиродсон бөгөөд уг газрыг ариутгах ажлыг эхлүүлжээ.

Агуулахын орчимд дахин дэлбэрэлтийн чимээ сонсогдож, түймрийн шинэ голомт харагдаж байгаа тухай бямба гарагийн өглөө мэдээлсэн байна.