Дарханы Дулааны цахилгаан станц байгуулагдсаныхаа хагас зуун жилийн ойг энэ өдрүүдэд тэмдэглэж байна. Дархан Сэлэнгийн районыг цахилгаанаар, Дархан хотыг дулаанаар 50 жилийн туршид найдвартай хангаж ирсэн, Төвийн эрчим хүчний системийн гол бүрэлдэхүүний нэг энэ станцын хэрэглэгч байгууллага, түншүүд нь хамтын ажиллагааныхаа талаар ийн өгүүлж, ойн мэндчилгээ дэвшүүлж байна.

Цахилгаан дамжуулах Үндэсний сүлжээ ТӨХК-ийн Төвийн бүсийн салбарын дарга Г.Болд

Цахилгаан эрчим хүчний нэгдсэн сүлжээний хүрээнд Дарханы дулааны цахилгаан станц  нь манай байгууллагыг цахилгаан эрчим хүчээр хангадаг нэг гол станц. Дархан хотын цахилгаан дулааны эх үүсвэрүүдийн нэг болоод ЦДҮС ТӨХК-ийн  Төвийн бүсийн салбарын хамт олонтой ажил хөдөлмөрийн нягт уялдаатай ажилладаг түнш байгууллагын нэг. Бид анх Монголын Эрчим хүчний системд  өөрчлөлт орж Төвийн бүсийн цахилгаан дамжуулах сүлжээ Хувьцаат компани  байгуулагдан 110кВ  Хаалттай хуваарилах байгууламжийг  2003 оны гуравдугаар сарын 1-нд   хүлээн авснаар  Дарханы ДЦС-ын  туршлагатай хамт олонтой   хамтран ажиллаж эхэлсэн юм.

Манай байгууллагын хамтын ажиллагааны үр дүнд Монгол улсад ганцхан байдаг 110кВ-н хаалттай хуваарилах байгууламжийг  2008 онд герман тоног төхөөрөмжөөр шинэчилж чадсан бол  энэ шинэчлэлийн ажилд манай хоёр  байгууллагын мэргэжилтэй боловсон хүчнүүдийн хамтын хүчин чармайлт их байсныг дурдахын зэрэгцээ хэрэглэгчийг цахилгаан эрчим хүчээр тасралтгүй  хангаж монголын эрчим хүчний системийн  тасралтгүй, найдвартай байдлыг алдагдуулалгүй хамтын хүчээр зохион байгуулалттай түвшинд хийж гүйцэтгэхэд Дарханы ДЦС-ын  чадварлаг хамт олны хүчин туслалцаа их байдгийг  дурдахад таатай  байна. Бид цахилгаан эрчим хүч  дамжуулах тасралтгүй үйл ажиллагааг хэрэгжүүлэхэд хамтран ажиллаад зогсох дотоод саатал устгах үед эд материал, машин механизм бусал нөөц бололцоогоороо дэмжлэг үзүүлж байдаг танай хамт олонд талархаж байдаг юм.

    Монгол улсын гал голомтыг мөнхөд бадраах ариун үүргээ нэр төртэй биелүүлж яваа Дархан Дулааны Цахилгаан станц ТӨХК-ийн хамт олон, энэ салбарын түүхийг бүтээлцсэн үе үеийн ахмад буурлууд нийт ажиллагсад та бүхэндээ түүхт 50 жилийн ойн баярын мэндийг дэвшүүлье.