Алан хядагч “Лалын улс” бүлэглэлийнхэн зэвсэгт дайчдад нь секс үйлчилгээ үзүүлээгүйн төлөө  19 эмэгтэйг цаазаллаа хэмээн IraqiNews  агентлаг мэдээлсэн байна. Бүсгүйчүүд зэвсэгт дайчидтай унтаж хүслийг нь хангахаас татгалзсаны төлөө цаазалсан гэж Курдистаны Ардчилсан намын төлөөлөгч Саид Мимусини баталжээ. “Сүүлийн хоёр хоногт Лалын улсынхан Мосул хотноо 19 эмэгтэйг цаазалсан байна” гэж Мимусини хэлжээ.
Лалынхантай унтахыг хүсээгүй эмэгтэйчүүдийг ийн цээрлүүлсэн нь ганц энэ удаа биш. Өнгөрсөн оны арванхоёрдугаар сард нэг дор 150 эмэгтэйг цаазалсны дотор жирэмсэн, насанд хүрээгүй охид ч байсан юм. Энд эмэгтэйчүүдийг секс боол болгон худалдаалах явдал ч түгээл болсон тухай барууны хэвлэлүүд бичиж байна. Эмэгтэйчүүдийг насны нь байдлаас болж өөр өөрөөр үнэлдэг байна. 1-9 насны охид 165 доллар бол 20 хүртэлх насны залуу эмэгтэйг 125 доллараас эхлэн дууддаг гэнэ.
“Секс-жихад” гэдэг нь зэвсэгт дайчинтай гэрлэж хүүхэд төрүүлж өгдөг бол “Жихад-ан-никах” гэдэг нь түр зуурын гэрлэлт буюу нэг өдөр секс үйлчилгээ үзүүлдэг эмэгтэйг нэрлэдэг байна.